ඕනෑම රටක ඕනෑම දුරකථනයකට නොමිලේ sms යවන්න

Saturday, January 28, 2012

බිව්වම වෙන දේ බීපූ අයගෙන්ම.....දෙවන කොටස

   පසුගිය ලිපියට අදහස් දක්වමින් සහ පිවිසුමට ගොඩ වැදුන සියළුම දෙනාට කෘතවේදි ස්තූතිය පළමුවෙන්ම පුද කරන්න කැමැතියි.ඒ හැමෝම මිනිසෙකු ගේ ජීවිතයේ වටිනාකම හැින ගැනීමට උත්සහ කරන පිරිසක් ලෙසිනුත් නම් කරන්න කැමැතියි.  පසුගියදා ලංකාවට පැමිණි ඉන්දියානු විද්‍යාඥ ආචාර්ය අබ්දුල් කලාම් මැතිතුමා ( හිටපු ඉන්දීය ජනාධිපති කියනවට වැඩිය මේ හැින්වීම හොයි කියල හිතෙනවා ) ප්‍රකාශ කළේද "  ඔබ සුවිශේෂී පුද්ගලයෙකු "  විය යුතු බවයි . ඉතිං අපි සෑම කෙනෙකුම  තිබෙන දුර්වලතා ඉවත් කරගෙන සමාජ ප්‍රගමණයට හේතු වන සුවිශේෂී පුද්ගලයන් බවට පත්වෙමු කියන යෝජනාවත් මේ සමග ඉදිරිපත් කරන්න කැමැතියි.
    ඔබගේ අදහස් සමග මෙතැන් සිට ඉදිරියට යමු. එ හැම අදහසකින්ම පැහැදිලි වන එක් කරුණක් නම් අරක්කු   පළමු වරට භාවිතා කිරීමේදී දුෂ්කතරතා ඇති වුණ බවයි.(මේක අරක්කු වලට විතරක් නෙවයි දුම්වැටි කසිප්පු ඇතුළු සියළුම මත් ද්‍රව්‍ය වලට පොදු දෙයක්) අපේ ශරීරය හැදිල තියෙන්නේ ආගන්තුක දෙයක් ශරීර ගත වෙනවානම් ‍ ශරීරය විසින්ම එය ප්‍රතික්‍ෂෙප කරන ක්‍රමයකට.දුම්වැටියක් පළමු වරට භාවිතා කරද්දි කැස්සක් හැදෙනවා. අනෙකුත් කවර මත්ද්‍රව්‍යයක් භාවිතා කරත් ඔක්කාරය හැදෙනවා.(වෛද්‍යවරයෙකුට පුළුවන් මේ තත්ත්වය තවත් විද්‍යාත්මකව පැහැදිලි කරන්න.සයිබර් අවකාශයේ එහෙම තැනක් තියෙනවා නම් ඒකත් පෙන්නල දෙන්න පුළුවන්. එතකොට අපි හැමදෙනාටම ඒ ගැන පුළුල් අව‍බෝධයකට යන්න පුළුවන්.) ඉතිං කැස්ස හරි ඔක්කාරය හරි ඇතිවන ඒ අපහසුව සුළුපටු එකකුක් නෙවෙයි. පහුවෙනිදාටත් ඇට හරි අමාරුයි.  එක් සහෘදයෙක් කියලා තිබුනා බොන එකත් මහා අමාරු වැඩක් කියලා. අරක්කු වල තියෙන ගඳ මකන්න කොච්චර දේවල් කරනවද ? මහ මුස්පේන්තු ගතියක් ‍දැනෙන්නේ. මේ හැම දෙයක්ම සිද්ධවෙන්නේ ඒකේ තියෙන  රසායනික තත්ත්වයේ බලපෑ‍මෙන්.
   නමුත් අපි වෙනත් රසවත් දෙයක් භාවිතා කරනකොට මේ වගේ අමාරුවක් දැනෙන්නේ නැහැ.ඒ රසවත් දෙය හෙටටත් තියෙනවා හොයි කියලයි හිතෙන්නේ. කොහොමද පෙම්වතියගෙන් හරි පෙම්වතාගෙන් හරි චොකලට් ලැබෙනවා නම්  ම් ...........ම්......... ම්...........  මරුනේ.
  නමුත් කිසිම රසයක් ප්‍රියතාවයක් නැති  අරක්කු සිගරට් (ඒක තමා ඇත්ත)  බීපු අය බීලා තියෙන්නේ ඉතාම අමාරුවෙන් කියලා ඉතා පැහැදිලියි. ඒක මාර සටනක් කියලත් පැහැදිලිය. එහෙමනම් ‍කොහොමද  මෙච්චර අමාරුවෙන් පාවිච්චි කරන දේ " රස " වෙලා තියෙන්නේ කියන එක හොයල බලන්න වටිනවා.අපේ සහෘදයන්ගේ අදහස් වල ඒ වගේ තැනුත් තිබුණා. අරක්කු දුම්වැටි ඇතුළු සියළු මත්ද්‍රව්‍යයන්ගේ රසායනික බලපෑම නිසා කටුක අප්‍රසන්න අත්දැකීමක් තිබුණත් රසවත් කරන වෙනත් සාධක නිසා භාවිතය රසවත් වෙලා තියෙනවා කියලා පැහැදිලියි.  ඒක ටිකක් විස්තර ඇතිව තේරුම් කර ගමු. පහත සටහන අරක්කු දුම්වැටි රසවත් වන විදිහ දක්වන්න ගත්ත උත්සහයක්.
1.    රසායනික බලපෑම
2.    එය ඉතා අප්‍රසන්න කටුක අත්දැකිමක්
3.     කොතරම් කටුක අත්දැකීමක් වුවත් එය "රසවත් " විම (බාහිර අයත් එය හුනා ගන්නේ  රසවත් එකක් ලෙසින්.)
4.    සහ 5 .   අප්‍රසන්න කටුක අත්දැකීම රසවත් කරන සාධක

මේ කරුණු දැක්වීම ගැන නිදහසේ හිතන්න කාලය ගත්තත් කමක් නැහැ. කොහොමත් මේ පැහැදිලි කිරීම ටිකක් විතර දිග වුනා. ඉතිං පිවිසුමට ගොඩ වැදෙන හැමෝටම පුළුවන්    අප්‍රසන්න කටුක අත්දැකීම   " රස " කරල දෙන  සාධක මොනවාද කියල  බලන්න. අපිටත් ඒ ගැන  කියන්න. යළිත් ඒ අදහසුත් සමග එකතුවී සාකච්ජාව ඉදිරියට ගෙන යමු . අපි සුවිශේෂ පුද්ගලයන් බවට පත්වෙමු .

Thursday, January 26, 2012

බිව්වම වෙන දේ බීපු අයගෙන්ම එළියට

   බිව්වම තියෙන ඇත්ත අත්දැකීම  බිව්ව අයම කියන එක තමා වටින්නේ. අතිශයින්ම අප්‍රසන්න එම අත්දැකීම බොන ඕනෑම කෙනෙක් දන්නවා. කුහක කමට කියන්නේ නැහැ. අනික් අය බොරුවට මාර ආතල් කියද්දි  ඒක එහෙම නොවෙයි වෙන්නේ මේකයි කියලා කියන්න පුළුවන් වෙන්නේ කොන්දක් තියෙන අයට සහ අධිශ්ඨානයක් ඇති අයට විතරයි.මේ අධිෂ්ඨානය ගැන අපි කලින් ලිපියකත් පැහැදිලි කලා.නුතන වෛද්‍ය මතයත් එයයි.

  කෙසේ වෙතත් සයිබර් අවකාශයේ කටයුතු කරන , බීලා ඇත්ත අත්දැකීම ප්‍රකශ කරන සහෘදයන් දෙන්නෙක්  හමුවුනා.(තවත් අය ඇති )  ඔවුන් ප්‍රකාශ කරන එම අත්දැකිම බොන හැමෝම දන්න දෙයක්. ඒත් කියන්නේ නැත්තේ බොන අනික් අය අතරේ කොන්වෙයි කියන ලැජ්ජාවට. ඒ වාගේ කියමන් ‍කිහිපයක්ම අපිට මෙහිදි දකින්න තියෙනවා . මේ කරුණ ගැන අපිට තව දුරටත් කතා කරන්න පුළුවන්. ඇත්ත අත්දැකීම ප්‍රකාශ කරන ඒ සහෘදයන්ට  පිවිසුමේ ස්තූතිය පුද කරන ගමන්ම  ඒවා බලලා ඉමු.
බිව්වම තියෙන ඇත්ත අත්දැම් පිළිබව ඔබේ අදහසුත් ප්‍රකාශ කරන්න පුළුවන්. අපට අවශ්‍ය වන්නේ අන් අය අතරත් විශේෂයෙන්ම තරුණ පරපුර අතර නිවැරැදි අවබෝධය ඇති කිරීමයි.


Saturday, January 21, 2012

මතට තිත තිතටම

මතට තිත වැඩසටහන ගැන නොදන්නා අයෙක් අද නැත. මත්ද්‍රව්‍ය ප්‍රශ්නයෙන් බැටකෑ සියල්ලන්ම එම වැඩසටහන ඉත සිතින් අගය කරන්නට විය.බොහෝ බලපොරාත්තු ඒ සමග අති කරගත් අතර මේ මොහො‍තෙදීත් බහුතරය විශ්වාස වන්තව ඒ ගැන දැල්වූ බලපොරොත්තු සහගතව සිටිති. විශේෂයෙන්ම මව්වරු මෙම වැඩසටහන අගය කළ අන්දම අපට මතකය.එම සටහනේ අවසාන ඉලක්කය වන්නේ රටේ මත්ද්‍රව්‍ය ප්‍රශ්නයට කල්පවතින පිළිතුරක් සෙවීමය .
  මෙම වැඩසටහන ඉදිරිපත් වූ මොහොතේ සිටම ඒවෙනු‍වෙන් ඇති වූ විවේචනද  සුළුපටුනොවේ. විවේචන  යනු සැම විටම අත්‍යවශ්‍ය මෙන්ම අනිවාර්ය එකක් වන තරමටම  එම වැඩසටහනේ බලපැම මැනිය හැකි එක් මිනුම් දණ්ඩක් බවට පත් කර ගත හැකිය. මෙම වැඩසටහන අක්‍රීය අසාර්ථක එකක් කිරීමට ආරම්භක මොහොතේ සිටම  මත්දුව්‍ය ජාවාරම්කරුවන් කටයුතු කළ බව නොරහසකි. එසේ තිබියදීද් රජයේ පුමුඛ කාර්යක් වශයෙන් මෙම වැඩසටහන තිබීම එක් අතකින් රටේ වාසනාවකි.
  වැඩසටහනක සාර්ථක බවමැනීම  එම වැඩසටහන කරගෙන යද්දි  සිදු කළ යුතු ඉතා වැදගත් කටයුත්තකි. එවිට එම වැඩසටහනේ සාධනීය ලක්‍ෂණ තව දුරටත් වර්ධනය කරගෙන ඉදිරියට යා හැකිවාක් මෙන්ම දුර්වලතා  ුනා ගැනීමෙන් නව උපායඋපක්‍රම අවබෝධ කර ගත හැකිය. සාධාරණ විවේචන භාර ගැනීම නිහතමානි මහත්ම ගතියකි. එය වර්තමාන රජයට උවමානාවටත් වඩා වැඩියෙත් ඇති පෙනේ. 20102 වර්ෂය දුම්වැටි හා මධ්‍යසාර වැළැක්වීමේ වසර ලෙස නම් කිරීමෙන්ම රජයේ අවශ්‍යතාව මැන‍වින් පෙනී යන දෙයක් .ඒ නිසා මෙතෙක් කල් මෙම වැඩසටහන පිළිබව අති ‍විවේචන එක් මේසයකදි සාකච්ජා කිරීමේ අවශ්‍යතාවක් ඇත. මත්ද්‍රව්‍ය සම්බන්ධයෙන් විවිධ මතවාද ප්‍රභලව සමාජ ගතව පවති. එවන් අවස්ථාවකදී එම මතවාද  විමසා බැලීමට සුදුසුම අවස්ථාව උදාවී  ඇති බව අපගේ හැිමය. එයට ආරම්භයක් වශයෙන් 2012.01.21 දින දිවයින පුවත් පතේ මැඩිල්ලේ පඤ්ඤා‍ලෝක හිමි ගේ අදහස් දැක්වීම(එය මෙතැනින් ලබා ගත හැකිය)  උපකාර කර ගත හැකිය.
  සෑම පුද්ගලයෙක්ම මෙම රටේ ගෞරවනීයව ජිවත් විය යුතු බවට කිසිවෙකුටවත් විවාදයක් තිබිය නොහැකිය. එහෙත් ඒ ‍ගෞරවනිය බව සැනසිලි දායක බව ජාවාරම් කරුවන්ට පැහැර ගැනීමට ඉඩහැර  බලාසිටීම සිදු  නොවිය යුත්තකි. මතට තිත තිතටම ක්‍රියාත්මක  කල යුතු කාලය එලැඹ ඇත. මතට තිත තිතටම ක්‍රියාත්මක කිරීමට අපගේ සහාය ලබා දෙමු.
  මේ සම්බන්ධ ඔබගේ අදහස් මතවාද අගය කරමු.
              pivisuma@gmail.com

Tuesday, January 17, 2012

වෙරි මීටරය

   මද්‍යසාර වටා ගොඩ නංවා ඇති බොරුව දැකිය හැක්කේ ඒ වෙනුවෙන්ම දරණ උත්සහයකදී පමණි.අපගේ සහෘදයෙක් එම බොරුව දකින්නට  ගත්ත උත්සහයක් අප‍වෙත දන්වා එවා තිබෙනවා. ඔහු එය හුන්වන්නේ වෙරි මීටරය ලෙසින්.මද්‍යසාර වලට ආ වඩන එය සාමාන්‍ය දෙයක් බවට පත් කරන අයට මෙමගින් හො පිළිතුරක් ලබා දෙන බව විශ්වාස කරන්න පුළුවන්. මෙහි නිර්මාණාත්මක බව වැඩි වන්නේ එකිනෙකාගේ අත්දැකීම් සමගින් ඒ දෙස බැලීමට උත්සහ කිරීමෙනි.කෙසේ වෙතත් මෙමගින් මද්‍යසාර සම්බන්ධයෙන් තිබෙන අපගේ පුහු විශ්වාසයන් මතවාදයන් බි වැටෙන බවට කිසිදු සැකයක් නැත.

Saturday, January 14, 2012

2012 වර්ෂයේ තේමාව ඔබ දන්නවාද ?


      හුනාගත්   අරමුණක් ඉටුකර ගැනිම සහා  කිසියම් මාසයක දින වෙන් කිරීම සාමාන්‍ය කරුණකි. ‍සැම මසකම පෙ‍බරවාරී 14 දින ට යෙදෙනෙ ආදරවන්තයින්ගේ දිනය , ඔක්තෝබර් 01 දිනට යෙදෙන ගුරු දිනය ,  ‍ජුනි 26 දිනට යෙදෙන ලෝක මත්ද්‍රව්‍ය විරෝධි දිනය ,දෙසැම්බර් 01 දිනට යෙදෛන ලෝක ඒඩ්ස් දිනය යනු එවැනි දින කිහිපයක්.මෙසේ දින නම් කරන්නේ අදාළ කටයුත්ත සහා ජනතාවගේ අවධානය යොමු කිරීමත් එම කාර්යය පවතින සජීවි කාර්යයක් බවට පත් කිරීමත්ය. මීට අමතරව මේ දින වල ඩෙංගු අවදාම වැඩි වී ඇති බැවින් කිසියම් සතියක් ‍ඩෙංගු  මර්ධන සතිය ලෙස නම් කරන්නේ එම සතිය පුරාම අදාළ කටයුත්ත සහා ජනතාවගේ අවධානය රවා තබා ගැනීමටත් සජීවි දායකත්වය ලබා ගැනීමටත්ය.එලෙස දින හෝ සති කිසියම් තේමාවක් මුල් කරගෙන නම් කිරීමෙන් පුද්ගලයන්ගේ සජීවි දායකත්වයක් ලැබෙනවා සේම  අදාළ කටයුත්ත සහා ප්‍රභල උත්ප්‍රේරණයක් ද සපයනවා. සතියක් කිසියම් තේමාවක් සහා නම් කරන්නේ එහි වැදගත් කම අනුවය. කිසියම් වර්ෂයක් හුනාගත් තේමාවක් ඔස්සේ නම් කරන්නේ අතිශයින්ම වැදගත් වන ඉටුකර ගත යුතුම ජාතික ‍හෝ අන්තර්ජාතික අරමුණක් ‍වෙනුවෙන්. ඒ අනුව රජය විසින් ප්‍රකාශයට පත් කර ඇති පරිදි 2012 වර්ෂයේ ‍තේමාව ඔබ දන්නවාද ? සෑම අංශයක මෙන්ම  සෑම පුරවැසියකුගේම සහභාගිත්වය , අවධානය, සක්‍රීය  ක්‍රියාකාරි වීම බලපොරොත්තුවෙන්  නම් කොට ඇති විෂය කුමක්ද ? 
   ජනාධිපති මහින්ද රාජපක්‍ෂ මහතාගේ උපදෙස් පරිදි 2012 වසර දුම්වැටි හා  මද්‍යසාර විරෝධි වසරක් ලෙස නම්  කොට ඇති බව සෞඛ්‍ය ඇමැති මෛත්‍රිපාල සිරිසේන මහතා ප්‍රකාශ කර සිටියි. (දිවයින 2012.01.13)

Saturday, January 7, 2012

තාරුණ්‍යය ජය ගමු- බාධාවන් යනු බාධාවන්ද ?

    වෙනස්ම දෙයක් ගැන හිත හිත ඉන්නකොට තමා මෙවර උසස් පෙල විභාගයේ ප්‍රතිඵල ලැබුණු ඉසුරිකාගේ කතාව කියවන්න ලැබුණේ.ඒක මෙතැනින් කියවලාම අපි අපි ගැන අලුත් විදිහකට කටයුතු කරන්න පටන් ගමු.ඉසුරිකා අපේ කාලේ දිරිය දියණිය හෝ සහෝදරිය ලෙස හුන්වනවාට කවුරුත් එක වෙනවා ඇති. අපිට සිදු වෙන දේවලට අපි දක්වන ප්‍රතිචාරත් ඉසුරිකා එයාට සිදු වන දේ වලට දක්වන ප්‍රතිචාරත් අතර සෑහෙන වෙනසක් තියෙනවා.ඒ වෙනස අපි දකින්න ඕ‍නේ නියම ගෞරවය ඇයට ලබා දෙන ගමන්මයි. අපි අපේ ජීවිත ඔහේ ඉබාගාතේ හැසිරෙන්න දීලා බලාගෙන ඉන්නවද කියලා වෙලවකට හිතෙනවා.අපි එකිනෙකා කටයුතු කරන්නේ එක එක විදිහට කියන එක අමුතු සොයා ගැනීමක් නෙවෙයි. සාමාන්‍යයෙන් මනෝ විද්‍යාව දන්න පුද්ගලයන්ගෙ හැසිරීම් නිරීක්‍ෂණය කරන කවුරුත් දන්න දෙයක්.සෑම දෙයක්ම අවාසනාව අනුව ලියවිලා ඇතියි කියල හිතන අය බහුතරයක් අතරේ ඉසුරිකා එහෙම නොසිතා ඉන්නේ කොහොමද? දුප්පත්කම  , කෙළවරක් නොමැති දුක් ගැහැට , දවසින් දවස වෙලා ගන්න‍කොට හිතෙන්නේ අවාසනාවටම ඒ දේ සිදු වෙනවා කියලයි. ඉසුරිකාගේ වයසේ ඉන්න බහුතරයක් ගැන අපිට පාර තොටේ යද්දි  හිතෙන දකින දේවල් අනුව හිතන දෙයක් තියෙනවා.ඒක වැ‍ඩිහිටියන් වැඩි දෙනෙකුට දැනෙන දෙයක්. ඒ තමා අද දවසේ තරුණ තරුණියන් යන්නේ කොහොටද කියන එකයි.අින පළින දේද , කතා බහ කරන ‍දේද , ඇවතුම් පැවතුම්ද විශාල නොගැලපෙන ගතියක්  පෙන්නුම් කරනවා.  අද දවසේ තරුණ තරුණියන්ගේ විශ්වාස සහ හරයන් විවාදසම්පන්නයි.

   ඉසුරිකා කියන්නේ බාල තරුණ මහලු සැමට ම තමන්ගේ අරමුණු  සහ බලපොරොත්තු අලුත් කළකෙනෙක්. මිනිසෙකුට යා හැකි දුර ගණනය කළ නොහැකි තරම් බව කියා දෙන්නේ ඉසුරිකාය. මිනිසුන්ගේ ලෝකය දිනෙන් දින අලුත් වන බව කියා දෙන්නේ ඉසුරිකාය. මිනිසුන් විසින් තනන ලෝකයේ දිග පළල ගැන අලුතින් සිතන්නට කියා දෙන්නේ ඉසුරිකාය.ඇත්ටම අපි නිර්මාණය කළ යුත්තේ අපට අවශය ලෝකය නොවේද යන ප්‍රශ්නය ඉසුරිකා අපි ඉදිරියේ තියලා තියෙන්නේ. අනික් අතින් අපි දකින ලෝකය ‍කෙතරම් පටු එකක්ද කියල අපිට අලුත් සිතුවිල්ලක් ඇති කරන්නෙත් ඉසුරිකා.අපි සැම දෙලා යෙදිල ඉන්නේ කවර කාර්යයක වුවත් අපේ වගකීම වන්නේ මිනිසුන්ට යහපත් තැනක් නිර්මාණය කරදීමේ කාර්ය භාරය බව සිහිපත් කරන්නේත් ඉසුරිකා.හෙට දින ඉසුරිකාගේ වගේම අනෙක් අයගේත් ලෝකය ලස්සන කරන්න , ආනන්දනීය එකක් බවට පත් කරන වගකිමත් තිබෙන්නේ අපේ අතේ බව සිහිපත් කරන්නේත් ඉසුරිකා.ඇත්තෙන්ම ජීවිතය යනු විවිය යුත්තන් නොව විිය යුත් දෙයක් බව අපට සිහිපත් කරන්නේත් ඉසුරිකා.
   ඔබ මා ජීවත්වන මේ පාරිභෝගික සමාජ‍යේ  ඉසුරිකා කෙතරම් දැවැන්ත ශක්තියක්ද ?
  පිවිසුමේ අපේ අදහස වන්නේත් තරුණකම වගේම මනුෂ්‍යත්වයටත් නිගා කරන මිත්‍යා විශ්වාසයන්ගෙන් ඉවත්ව අලුත් විදිහකට ජීවිතය රස විීමට ඇති ඉඩ කඩ විමසා බැලීමයි. සමහරෙක් අලුත් අවුරුද්දක් ලබද්දීත් කවර හෝ සිද්ධියක් සැමරීමටත් ඉස්සර කරගන්නේ   මද්‍යසාර . දුම්වැටි ඇතුලු සියලූම මත්ද්‍රව්‍යයන්ගෙන් වන්නේ අපේම ආත්ම විශ්වාසය බි දමා ගැනීමක් බව අපිට ඉසුරිකා අපට සිහිපත් කර දෙනවා.ඉසුරිකා මේ දැවැන්ත ජයග්‍රහණය ලබා ගත්තේ සියලූම බාධක අභිබවා තමන්ගේ ස්වොත්සහය නිසාය.ඉසුරිකා ජිවිත ගමනේ ඉදිරියටම යැමට දරන ධෛර්ය මිනිසුන් වශයෙන් අප සැමට තිබුනත් එය මොට කර දමා තිබෙන්නේ මත්ද්‍රව්‍ය ව්‍යාපාරිකයන් විසින් මත් ද්‍රව්‍ය වටා බොරු බේගල් රාශියක් නිර්මාණය කර ති‍බීමෙන් . ඇයි තාරුණ්‍ය ලබා ගත යුතුම ඉලක්කයන් ඔස්සේ ගමන් කරන්නේ නොමැතිව වෙනත් වෙනත් ආකර්ශණීය ප්‍රචාරයන්ට රැවටී  වැරැදි මාර්ගයේ ගමන් කරන්නේ ? තාරුණ්‍ය යනු දැවැන්ත ආත්ම විශ්වාසයක පදනමයි.ඉසුරිකා දිගටම අපට කියා සිටින්නේ අපි සැබෑ තාරුණ්‍යයේ  උරුම කරුවන් විය යුතු බවය . අප ඉදිරියේ එළා ඇති දැවැන්ත මායා දැළ බි දමා ඉදිරියටම යමු.තාරුණ්‍යයෙත් මනුෂ්‍යත්වයෙත් උරුමකරුවන් වීමට අපි කටයුතු කරමු.

ඔබේ අදහස් අපිට ශක්තියක්  අදහස් pivisuma@gmail.com  එවන්න