සුභ අලුත් අවුරුද්දක් !

20 වැනි සියවසේ මිලියන 100 ක මහා මිනිස් සංහාරය - ලංකා රජයෙන් නව නීති ලඟදීම

  

 20 වැනි සියවසේ දී මිලියන 100 ක මිනිසුන් අමුඅමුමේ ඝාතනය කිරීමක්.මෙය අපට විශ්වාස කිරීමට අමාරු පුවතක් වනු නොඅනුමානය. මේ මිනිස් සංහාරය කරන්නේ කවුරුන්ද ? ඒ තමා ලෝකයේ තිබෙන සියලූම දුම්කොළ සමාගම්.මේ බව කියන්නේ දුම්කොළ හා මද්‍යසාර පිළිබඳ ජාතික අධිකාරියේ සභාපති මහාචාර්ය කාලෝපොන්සේකා මහතා . ඊට ලංකාවෙන් වර්ෂයකට 20000ක් එකතුවන බව පිවිසුම බ්ලෝග්අඩවිය ඇසුරු කරන සැවොම මේ වන විට දන්නා දෙයක්. මෙහි වඩාත්ම භයානක කරුණ වන්නේ ‍ඔබ මම ජීවත්වන මෙම  සියවසේදීද මිනිසුන් ට්‍රිලියනයක සංඛ්‍යාවකට මරණය වැළඳ ගැනීමට ඇති ඉඩකඩයි.දුම්කොළ සමාගම් උත්සාහා කරන්නේ දුම්වැටි භාවිතා  කිරීමෙන් සිදුවන නියත මරණය සඟවා අතිශයින්ම සාවාද්‍ය මුසාවන් (ආකර්ශණීය ප්‍රචාරයණයන්)  දුම්වැටිය වඩා ගොඩනැංවීමයි.සමහරු නොදැනුවත්වම මෙම කර්මාන්තයේ බොරු ප්‍රචාරණයන් සඳහා බළල් අත් වී තිබීම සැබවින්ම කණගාටුදායකය. මෙම කරුණ අප විසින් දිගින් දිගටම පිවිසුමෙන් පෙන්වා දි ඇත.ඔබ  ශ්‍රී ලංකාවේ යහපත වෙනුවෙන් ,  සංවර්ධනය වෙනුවෙන් පෙනී සිටින්නෙක් නම් මේ මොහොතේ සිට කළ යුතුව ඇත්තේ ඔබ අනියමින් හෝ මෙම කර්මාන්තය සඳහා සේවය කරන්නෙක්ද යන්න මොහොතක් විමසා බැලීමයි. ඇතැම් විට අපගේ  බ්ලොග් සහෝරයන්ගේ ප්‍රකාශණ වලින් අනියමින් මෙම කර්මාන්තයට වාසි සැළසෙන බව ද සටහන් කළ යුතුව තිබෙන දෙයක්.

    ශ්‍රී ලංකා රජය පැනවීමට යන නීති සහ ඒ පිළිබඳව දුම්කොළ හා මද්‍යසාර පිළිබඳ ජාතික අධිකාරියේ සභාපති මහාචාර්ය කාලෝපොන්සේකා මහතාගේ අදහස් දැක්වීම මෙතැනින් බලන්න.මේ සම්බන්ධ ඔබගේ අදහස් ඉදිරි සංවාදයකට විවෘත බැවින් pivisuma@gmail.com  ට එවන්න.

දුම්කොළ ගෝලීය උණුසුම නංවයි.

   දුම්කොළ වගාව පිළිබඳව බොහෝදෙනා නොදත් කරුණු රාශියක් මෙමගින් දැන ගත හැක. (දිවයින 2011.11.20 ) විශේෂයෙන්ම පරිසරවේදීන් මේ පිළිබඳ අවධානය යොමු කළ යුතුව ඇත.එම ලිපිය මෙතැනින් බාගෙන කියවන්න. ඒ සම්බන්ධ ඔබේ අදහස් දන්වන්න.

උත්සව සමය / අපේ වගකීම හා රටේ සංවර්ධනය

    අද දවසේ සමස්ත ලාංකික ජනතාව මත්ද්‍රව්‍ය ව්‍යාපාරිකයන්ගේ ග්‍රහණයට ගොදුරු වෙලා අවසන්. බොහෝ දෙනෙක් සිතා සිටින්නේ දුම්වැටියක් භාවිතයෙන් හානි වන්නේ එය භාවිතා කරන්නන්ට පමණක් බවයි.මධ්‍යසාර හෝ වෙනත් මත්ද්‍රව්‍යයක් භාවිතයෙන් හානියක් වන්නේ එය භාවිතා කරන්නන්ට පමණක් බවයි. එහෙත් මෙය කෙතරම් සාවද්‍යද යන්න සෙඛ්‍ය අමාත්‍යංශයේ අතිරේක ලේකම් වෛද්‍ය පාලිත මහිපාල  මහතා ගේ ප්‍රකාශණයකින් ඔප්පු වෙනවා. 

එතුමා සඳහන් කරන කරුණු එකිනෙක පෙල ගස්වා බලමු.

1.උත්සව සමයේ බීමතින් රිය පැදවීමෙන් වැළකෙන ලෙස පොලීසියෙන් කරන අවවාද කිරීමට සිදුව තිබීම

2.දිනකට මාර්ග අනතුරු නිසා 06 දෙනෙක් මිය යන බවත් මාර්ග අනතුරු වලින්  41% කටම හේතුව බීමත් කම බව

3.සෑම පැය 04 කට වරක් රිය අනතුරක් සිදු වන අතර එම අනතුරු වලින් 20%කටම හේතුව බීමත්ව රිය පැදවීම බව

4.2012 අයවැයෙන් ජනතා සෞඛ්‍ය ප්‍රවර්ධනය සඳහා  රුපියල් මිලියන 100 ක් වෙන් කොට ඇති අතර එම මුදලින්    රුපියල් මිලියන 750ක් වෙන් කොට ඇත්තේ අත්‍යාවශ්‍ය   රෝහල් උපකරණ හා පහසුකම් සැපයීම සඳහා බව

5. මාර්ග අනතුරු ඇතුළු හදිසි අනතුරුවලට ගොදුරු වන රෝගීන්ට ප්‍රතිකාර දීම සඳහා හදිසි ප්‍රතිකාර ඒකක දිවයිනේ සැම ශික්ෂණ රෝහලකම ඇති කොට තිබෙන අතර ඉදිරියේදී දිවයිකේ සෑම රෝහලකම හදිසි ප්‍රතිකාර ඒකක  ඇති කිරීමට සිදුව තිබෙන බව

( උපුටා ගැනීම සිළුමිණ 2011 දෙසැම්බර් මස 18 වැනිදා)

මෙතෙක් කල් සමාජයන් සැඟව තිබුණු රහසක් කරලියට ඒමක් ලෙස මෙය හඳුන්වන්න පුළුවන්. රෝහල් පහසුකම් වලින් වැඩිපුර කොටසක් වෙන්කොට තිබෙන්නේ මත්ද්‍රව්‍ය භාවිතය හෝ ඒ ආශ්‍රිත නිසා ඇති වූ රෝග සඳහාය යන අදහස මෙතෙක් කල් මත්ද්‍රව්‍ය නිවාරකයන් විසින් මතු කරනු ලැබුවද වෛද්‍ය මහිපාල මහතාගේ ප්‍රකාශයත් සමග එය මනාව සනාථ වෙනවා.

   මත්දුව්‍ය භාවිතය සමාජ උවදුරක් දක්වා වර්ධනය වීම සංවර්ධනය කෙරේ බලපාන සෘජු හේතුවක්. සාමාන්‍ය ජනතාවට  නිදහසේ මහ මග ගමන් කිරීමට නොහැකිනම්, අසරණ රෝගීන් සඳහා  සහ  දියුණු වෛද්‍ය පරීක්‍ෂණ කිරීම සඳහා යෙදවීමට ඇති මුදල් මත්දුව්‍ය ආශ්‍රිත ගැටළු සඳහා යොමු කිරිමට සිදුව ඇත්නම් ඒ කුමන සංවර්ධනයක්ද යන ප්‍රශ්ණය නැගිය යුතුව තිබෙනවා.එහි දී නැගිය හැකි ප්‍රභලම චෝදනාව නම් සැබෑ සංවර්ධනය ලාංකිකයන්ට උරුම නොවීමට බලපාන හේතුව වන්නේත් මත්ද්‍රව්‍ය භාවිතය බවයි. මත්දුව්‍ය භාවිතා කරන සංඛ්‍යාව නිසා සමස්ථ බහුතරයකට උදා වී ඇති "සෙනසුරු දසාව"  වෙනස්  කිරීමට කාලය පැමිණ ඇත. තව දුරටත් බහුතර ජනතාව මත්දුව්‍ය වෙළෙන්දන්ගේ සහ භාවිතා කරන්නන්ගේ ගොදුරක් බවට පත් විය යුතු නැත.

   මෙහි අවධානය යොමු කළ යුතුම තව කරුණක් ඇත. එනම්  මත්ද්‍රව්‍ය භාවිතය සම්බන්ධයෙන්  බෙහෝ දෙනෙක් සිතන්නේ ප්‍රශ්නයක් වන්නේ බේබදුකම පමණක් බවයි . ඉඳහිට හෝ යම් අවස්ථාවක් සැමරීමට මත්ද්‍රව්‍ය භාවිතය සාධාරණීය කිරීමක් ඇතැම් විට දැකිය හැකිය. පොලී සිය සහ වෛද්‍ය මහිපාල පවසන පරිදි මෙම උත්සව සමයේ මාර්ග අනතුරු බහුල වීමට හේතුවක් වන්නේ මත්ද්‍රව්‍ය භාවිතයයි.එනම් මේ තත්ත්වය ඇති කරන්නන් නිසා  ඉඳහිට හෝ උත්සවයකදී හෝ මත්ද්‍රව්‍ය භාවිතය සාධාරණීකරණය කළ හැකිද ? කවර තත්ත්වයක් යටතේ හෝ මත්ද්‍රව්‍ය භාවිතය  "සැපක් " යැයි හඳුනා ගත හැකි ද? සාමාන්‍ය අසරණ මිනිසුනු මහ මගදී අනතුරු වලට ලක් වෙන බවට මෙතරම් සාක්‍ෂි තිබියදීත් මත්ද්‍රව්‍ය භාවිතයෙන් " සැපක් " "සතුටක් " "විනෝදයක් " ලැබිය හැකි යැයි තව දරටත් ලාංකිකයන් නම් රැවටිය නොහැකිය.අවසානයේදී සිදු වන්නේ නොමැති "සතුටක් " සොයා ගොස් හිරේ විලංගුවේ වැටෙන්නටය.දඩ මුදල් ගෙවන්නටය.උසාවී ගානේ රස්තියාදු වන්නටය. සමාජයේ අපවාදයට ලක් වන්නටය.

  පොලීසියට සාමාන්‍ය ආරක්‍ෂක කටයුතු වලට අවධානය යොමු කිරීම මග හැරී ඇත්තේද මත්ද්‍රව්‍ය ආශ්‍රිත කටයුතු වලට වැඩි කාලයක් යෙදවීමට සිදුව තිබෙන තත්ත්වයක් තුළය . ඒ නිසා පොලිසියේ කටයුතුද අඩපණ වී ඇත. අද දවසේ ‍පොලී‍සියේ කාර්ය භාරය ගැන ප්‍රභල විවේචන දැකිය හැකිය . නමුත් ඒ විවේචන එල්ල කරන අය මේ කරුණ ගැන අවධානය ‍යොමු කොට ඇති බවක් නොහැඟවේ.

  දුම්වැටි  භාවිතය නිසා පමණක් වසරකට අප ර‍ටේ මිනිස්සු 20000 ක් පමණ මිය යනබවට ගණන් බලා ඇත.මේ මිය යන්නේ එම "භාණ්ඩයේ " හොඳම පාරිභෝගිකයන් සියළු දෙනාය. එනම් ‍වැඩියෙන්ම දුම්වැටි උරන්නන්ය. එම මිය යන 20000 වෙනුවට තව තවත් පාරිභෝගිකයන් ආකර්ශණය කර ගැනිමකින් තොරව එම  කර්මාන්තයට පැවැතිය නොහැකිය. ඒ නිසා ඉහත සත්‍යයන් තව දුරටත් සඟවා තබන්නට එම කර්මාන්තය තව දුරටත් මුදල් රුපියල් මිලියන ගණනක් වැය කොට සමස්ථ සමාජය පුරා අසත්‍යයන් ප්‍රචාරය කරනු නිසැකය.ඔබ එහි කොටස් කරුවකු නොවීමට වග බලාගන්න.රටේ සංවර්ධය වෙනුවෙන් ඔබට දායක විය හැක්කේ එසේය. ‍රටේ සංවර්ධනය අප සැමගේ වගකීමක් බව අමතක නොකළ යුතුය.

මේ සම්බන්ධ ඔබගේ අදහස් pivisuma@gmail.com  ලිපිනය යොමු කරන්න

මත්ද්‍රව්‍ය පිළිබඳ සැබෑ අවබෝධය

   මත්ද්‍රව්‍ය භාවිතය සම්බන්ධ වෛද්‍ය විද්‍යාත්මක හා අනෙකුත් කරුණු පිළිබඳව බොහෝදෙනක් අවධානය යොමු කොට ඇති බව ඒ සම්බන්ධව කරන විමසීම් වලින් පැහැදිලි වන දෙයක් . පහත සඳහන් සම්බන්ධතා මගින් ඔබේ දැනුම අවබෝධය දියුණු කර ගත හැකිය.

http://info.cancerresearchuk.org/healthyliving/smokingandtobacco 

http://www.cancer.gov/cancertopics/tobacco/smoking 

http://www.helpwithsmoking.com/smoking-and-cancer.php

නිවාරණයට ඔබට ද සහාය විය හැකිය

    සයිබර් අවකාශයේ මත්ද්‍රව්‍ය නිවාරණ කටයුතු සම්බන්ධයෙන් දක්වන අදහස් පිළිබඳවත් උනන්දුව පිළිබඳවත්  සහෘද ඔබ සැමට නිහතමානිව ස්තූතිය පුදකරන්න කැමැතියි. පසුගිය දිනෙක  පිවිසුම ඊමේල් ලිපිනයට මහරගම ජනාධිපති විද්‍යාලයේ  ජයශාන්ත ශිෂ්‍යා  එවා ඇති නිර්මාණය මෙයයි.

    මෙය සරළ නිර්මාණයක් බව පෙනෙන්ට තිබුණත් ඔහු උත්සහා දරා ඇත්තේ විශිෂ්ට වෑයමක්.ජංගම දුරකථන අද දින වසංගතයක් තරමටම ප්‍රශ්ණයක්ව පවතින අවස්ථාවක  එම දරුවා ගේ නිර්මාණාත්මක බව නිසා ජංගම දුරකථනය මත්ද්‍රව්‍ය ප්‍රචාරණයට විරුද්ධව යොදා ගත හැකි බව පැහැදිලි වේ. අද දින ලංකාවේ ජනගහණයටත් වඩා ජංගම දුරකථන භාවිතා වන බව යම් තැනක සටහන්ව තිබුණු බව මේ අවස්ථාවේ සිහිපත් වේ. ජංගම දුරකථන හරහා මත්ද්‍රව්‍ය භාවිතය , ප්‍රචාරණය අධෛර්යයට පත් කිරීමට ‍යොදා ගත හැකි බවට එම දරුවා පෙන්නුම් කරන අදහස වැඩිහිටියන් වන අප සැමගේත් නිවාරණ ක්‍රියාකාරකම් වල යෙදි සිටින සැමගේත් අවධානයට යොමු විය යුතු බව පිවිසුමේ සටහන් කරමු.

  ඔබත් මෙවැනි නිර්මාණාත්මක දේ කිරීම ‍කෙරෙහි අවධානය යොමු කිරීමෙන් නිවාරණ  කටයුතු වලට ඔබට ද සහාය විය හැකිය.එම නිර්මාණ pivisuma@gmail.com ලිපිනයට එවන්න.  

දුම්වැටිය උරන්නා අඩු අධිෂ්ඨානය ඇත්තෙකි - නූතන වෛද්‍ය මතය

      දුම්වැටි භාවිතය පිළිබඳව අද වන විට පර්යේෂණ රාශියක් සිදු කර ඇත. ශාරීරිකවත් මානසිකවත් සිදු වන බලපෑම ඒවායින් මානව ඔප්පු කොට ඇත . කායික රෝග විශේෂඥ වෛද්‍ය උපුල් ද සිල්වා මහාතා ගේ මේ ප්‍රකාශය දෙස බලමු.

      ".............ඔබට දුම්පානය නතර කරන්නට වුවමනාව ඇත්නම් මුලින්ම ඒ සඳහා දැඩි අධිෂ්ඨානයක් ඇති කර ගත යුතුයි. දුම්වැටි නතර කර සතුටින් සිටින අය සමාජයේ පිරී ඉන්නා බව සිහි තබා ගන්න . එවැනි දවසක් ඔබටත් උදා කර ගත  හැකි බවත් දුම්වැටි නැතිව සතුටින් සිටිය හැකි බවත් විශ්වාස කරන්න. අනික් අය කළ විදිහටම මටත් පුළුවන්  යැයි සිතන්න.ඒ සිතට ගරු කරන්න. 'අනේ මට බෑනේ මගේ හිත ඒකට හයිය මදිනේ' කියමින් ඔබේ සිත සමච්චලයට හැල්ලුවට ලක් කරන්න එපා............"  (ඉරිදා ලක්බිම 2011.12.04 )

   පුද්ගලයෙකු සතුව ඉහළ අධිෂ්ඨානයක් ඇත්නම්  වැරැදි පුරුදු පවා වෙනස් කළ හැකි බවට කදිම සාක්‍ෂියක් තමා මෙමගින්  සපයන්නේ.ඖෂධ වලට යා හැක්කේ සීමිත දුරක් පමණයි. බොහෝ දෙනෙක් ‍වෛද්‍ය ප්‍රකිකාර ගැන විශ්වාසය තැබුවද පුද්ගල අධිෂ්ඨානය කෙරේ විශ්වාසය තැබීමට මැලි වන නිසයි අසාර්ථක ප්‍රතිපල ලබන්නේ. දුම්වැටි ‍පමණක්ම නොව කවර හෝ මත්ද්‍රව්‍යයක් වුවද භාවිතා කරන්නේ හීන අධිෂ්ඨානයන් ඇති අයයි . කායික රෝග විශේෂඥ වෛද්‍ය උපුල් ද සිල්වා මහතාගේ සම්පූර්ණ අදහස් දැක්වීම මෙතැනින් ලබා කියවා  ඒ පිලිබඳව ඔබගේ අදහස්  pivisuma@gmail.com වෙත  දන්වා එවන්න.

මතින් මුදා ගත් අයට ' ඇගේ සිනහව තහනම්'

    මත්ද්‍රව්‍ය නිවාරණ කටයුතු සඳහා දැන් දැන්  ප්‍රභූ ජනතාවගේද සාමන්‍ය ජනතාවගේද සහභාගිත්වය දිනෙන් දින ඉහළ යනු දැකිය හැකිය. කලකට ඉහතදී මධ්‍යසාර නොමැති සංගීතයක් හෝ කලාකරුවෙක් ගැන අසන්නට නැති තරම් විය. එහෙත් අද දිනතත්ත්වය වෙනස් වි ඇත. සුභාවිත සංගීතයේ පතාක යෝධයෙකු වන චන්‍ද්‍රකුමාර කඳනආරච්චි  යළිත් වරක් එම සද් කාර්යයට අත ගසා ඇත. අද දින මත්ද්‍රව්‍ය නිවාරණය රජයේ හෝ තෝරාගත් කොටසකගේ පමණක්  නොව සැම දේනාගේම වගකිමක් වන බව අද වන විට පසක් වි තිබීම මත්ද්‍රව්‍ය නිවාරණ කටයුතු වල දැකිය හැකි සාර්ථක ප්‍රතිපලයක් ලෙස සළකිය හැකිය.

උතුම් මිනිස් ජීවිතය කෙටි කරන වෙළෙන්දෝ

    මිනිස් ජීවිතයක වටිනාකම කෙතරම්ද ? මිනිස් උපතක් ලබා ගැනීම කෙතරම් විශ්මය ජනක දෙයක්ද ? මිනිසකු වීම කෙතරම් දුර්ලභද ?

    මේ ප්‍රශ්ණ සියල්ලම හිතට ආවේ සයිබර් අවකාශයේ "සත්සමුදුර " ඉදිරිපත් කරන සොහොයුරාගේ ලිපිය දැකීමෙනුයි. ඇමෙරිකාවේ සිදු කළ සමීක්‍ෂණයක ප්‍රතිපල පෙන්වන ඔහු අද දවසේ මිනිසා විසින්ම මිනිසාගේ ගේ ජීවිතය කෙටි කර ගැනීමට පාර කපා ගන්නා ක්‍රම 08 ක් සඳහන් කරනවා.

                                1.දුම් පානය    2. මධ්‍යසාර  භාවිතය  3. අක්‍රීය දුම් භාවිතය

                                                         එම ලිපිය මෙතැනින් කියවමු.

තව සිගරට් බොමුද ?

ඇඟිලි සළකුණු ස්කෑනරයෙන් බීමත් අය සෙවීම - සීගිරී බ්ලොග් සින්ඩිය

http://www.yathuranews.com/2011/11/fingerprint-scanner-can-check-drunk-or.html?utm_source=feedburner&utm_medium=feed&utm_campaign=Feed%3A+Yathura+%28yathura%29

බොරදියේ මාළු බෑම / කල දුටු කල වල ඉහ ගැනීම

    අපගේ පිවිසුම ඊමේල් ලිපිනයට සහෘද පාඨකයෙක් (නම සඳහන්ව තිබුණේ මහරගම ගාමිණී ලෙසින් ) එවා තිබුණු ඡායාරූප නිසා අන්තර්ජාලය වඳුරාගේ දැලි පිහියද කියලත් හිතෙනවා.ඔහු එවා තිබුණු ඡායාරූප පිවිසුම පාඨකයන්ගේද අවධානය සඳහා ඉදිරිපත් කිරීමට තීරණය කළේ මත්ද්‍රව්‍ය කර්මාන්තයේ හැසිරීම ඉන් වඩාත් හොඳින් නිරීක්‍ෂණය කළ හැකි නිසාය.

   අන්තර්ජාලය තුළ විවිධාකාර ඊමේල් ලැබෙන බව අප දන්න දෙයක්.සමහරක් ඒවා  හරිම දාර්ශණිකයි. සමහරක් විවිධ ආධාර උපකාර ඉල්ලීම සඳහා නිර්මාණය වෙච්ච ඒවා. ඒ අතරම විවිධ අරමුණු මුල් කරගත්ත ඒවාත් තියෙනවා.බොහෝ දෙනෙක් කරන්නේ ලැබෙන ඊමේල් එක ඒ මොහොතේම කියවල බලලා තමන්ගේ හිතවතුන්ට forward  කිරීමයි. ඉතා ඉක්මනින්ම වැඩි පිරිසක් අතරට ඒවා යනවා.මෙය දුෂ්ට පුද්ගලයන්ද දූෂමාන තොරතුරු ප්‍රචාරය කිරීම සඳහාද ප්‍රයෝජනයට ගන්නා ක්‍රමයක්. 

   කෙසේ වෙතත් ගාමිණි එවන ලද ඡායාරූප තුළින්  දුම්වැටියක් භාවිතා කොට ඉවතට යවන දුම්වලින් විවිධ හැඩතල නිර්මාණය කිරීමක් තමා බැලූ බැල්මට පෙනෙන්නේ. මේ පෝස්ට් එක ලියන්නෙත් අප ඉදිරියේ තිබෙන බරපතල අවධානමක් නිසා .මෙබඳු නිර්මාණ කරලා තියෙන්නේ දුම්වැටි භාවිතයට දිරි ගැන්වීමක් සෘජුවම ලැබෙන පරිද්දෙන්. කාලයකට ඉහතදී අපගේ සිනමාවේ වීරයන් චිත්‍රපටිවල දී දුම්වැටි භාවිතා කළ ආකාරයටම තරුණයන්ද දුම්වැටි භාවිතා කිරීමට පෙළෙඹුනා. කව්ද බෝයි වැනි ළමා කාටූන් වලින්ද දුම්වැටි භාවිතයට ලබා දුන්නේ අසීමිත දිරි ගැන්වීමක්.පියා දුම්වැටි භාවිතා කරද්දි ඒ විදිහටම දුම්වැටි භාවිතා  කිරීමට පුරුදු වුන අය ඉතා විශාල ප්‍රමාණයකින් සිටින බව මෙම ක්‍ෂෙත්‍රයේ කටයුතු කරන ඕනෑම කෙනෙක් දන්න දෙයක්. මේ හැම දෙයකින්ම සිදු වන්නේ දුම්වැටි භාවිතා කිරීමට 

දරුවන් , තරුණයන් තුළ පෙළඹවීමක් ඇති කිරීමයි. දුම්විටියකින් ලැබෙනවා යැයි කියන ව්‍යාජ "ආශ්වාදයකට"  වඩා දරුවන් , තරුණයන් දුම්වැටි භාවිතයට යොමු කිරීමට යොදා ගත හැකි උපක්‍රමය වන්නේ ඒවෙනුවෙන් ආකර්ෂණයක් ඇති කිරීමයි.

   මේ ඡායාරූප සහිත ඊමේල් ගැන අපි මේ තරම් ගැඹුරින් සොයා නොබලා හිතමිතුරන්ට forward කිරීමෙන්  අපිත් දුම්වැටි කර්මාන්තයට සේවය කිරීමක් තමා සිදු වන්නේ . ඉතිං අපි මීට පස්සේ අපට ලැබෙන මෙබඳු ඊමේල් ගැන වඩාත් පරිස්සමෙන් කටයුතු කරමු.

    පිවිසුමේ තේමාව වන්නේත් අපේ රටට අපේ යුතුකම ඉටු කරමු යන්නයි. විවේචනයෙන් ඔබ්බට යෑමට කාලය පැමිණ ඇත.අප බොහෝ දේවල් ගැන විවේචනය කරමින් සිටින විට ඔබේ මගේ දරුවන් ඉලක්ක කරන මත්ද්‍රව්‍ය  ජාවාරම්කරුවන් සූක්‍ෂම ආකාරයෙන් ක්‍රියාත්මක වීමට පටන් ගෙන ඇත.

    අකාර්ෂණීය සාධක ගැන තවදුරටත් ඉදිරියේදී සාකච්ඡා කරමු.

මේ කරුණු පිළිබඳව ඔබගේ අදහස් ,  මෙබඳු ‍තොරතුරු ඔබ සතුව ඇත්නම් ඒවා pivisuma@gmail.com ලිපිනයට එවීමෙන් ඔබටත් රටේ සංවර්ධනය සඳහා දායකත්වය ලබා දෙන්න පුළුවන්.  

                                                                          

                                               

විවේචනයෙන් ඔබ්බට ගිය අළුත් පිවිසුමක් .

                                                                            

                                               

ඉලක්කය මගේ දරුවාය

      අද දින පෝස්ට් එකක් ලියන්න හේතු වුණේ සයිබර් අවකාශයේ පාඨකයෙක් වන නුවන් එවා තිබුණු ඊමේල් එක නිසා.  නුවන් ඔබට ස්තූතියි වගේම සුභ පැතුම් එක් කරනවා ඔබ පෙනි සිටින විභාගයෙන් උසස් සාමාර්ථයක් ලබන්න කියා. ඇත්තෙන්ම අප උත්සහා දරන්නේ සයිබර් අවකාශයේ ඉඩකඩ පොදු මහජනතාවගේම යහපත වෙනුවෙන්.වි‍‍ශේෂයෙන්ම තරුණ පරපුර දක්වන අදහස් උදහස් අපගේ ධෛර්යයට හේතුවක්.සයිබර් අවකාශයේ ඉතා විශාල පාඨක පිරිසක් දිනපතාම ගැවසෙන බව එය ඇසුරු කරන අය දන්න කරුණක්.(කවුරු හරි දන්න කෙනෙක් ඉන්නවානම් අපගේ අවබෝධය සඳහා සංඛ්‍යාවත් කියන්න) විශේෂයෙන්ම තරුණයන්ගේ ඊට තිබෙන නැඹුරුව ඉතා විශාලයි.

   නුවන් නියෝජනය කරන තාරුණ්‍යය අද දවසේ වැඩියෙන්ම අවදානමකට ලක් වූ කොටසක් වෙලා. ටියුෂන් පංති ගැන අපි අද කතා කරමු. දස දහස් ගණනක් අය අද දවසේ අතිරේක පංති සඳහා සහභාගි වන්නේ තමන් පෙනී සිටින විභාගයෙන් උසස් ලෙස සමත් වෙලා රැකියාවක් කිරීමට සුදුසුකම් ලබා ගැනීමට බව නොරහසක්. නමුත් අපි නොදැනුවත්වම මත්ද්‍රව්‍ය ජාවාරම්කරුවන් අද ටියුෂන් පංතිද අක්‍රමණය කර අවසන් වග නුවන්ගෙ ලිපියෙන් පෙනෙන දෙයක්. රජය විසින් මත්ද්‍රව්‍ය ජාවාරම් කරුවන් නීතියේ  රැහැනට හසුකර ගන්නට නොයෙක් පෙරමුණු වල සටන් වැදී සිටින මොහොතක ජාවාරම් කරුවන් ද ඔවුන්ගේ උපක්‍රමත් වෙනස් කරනවා.

  දැන් ක්‍රියාත්මක වන දුම්කොළ මධ්‍යසාර පිළිබඳ ජාතික අධිකාරී පනත නිසා වෙළෙන්දන් ඔවුන්ගේ උපක්‍රම වෙනස් කරලා තියෙන අකාරය ඉතා පැහැදිලිව පෙනෙන දෙයක් . වෙළෙන්ඳන් ඒ පනතේම සඳහන් වගන්ති උපුටා රැගෙන වෙ‍ළෙඳ සැල් ඉදිරියේ ප්‍රදර්ශණය කරන්නෙත් තරුණයන්ගේ අකාර්ශණය දිනා ගැනීමේ අරමුණෙන්.(මෙතැනින් පෙන්නන්න උත්සහ කරන්නේ ඒඅයත් මත්ද්‍රව්‍ය නිවාරණ වැඩකට අත ගහල තිබෙන බව හැඟවීමටයි)  අවුරුදු 21 න් පහළ අයට දුම්කොළ නිෂ්පාදන අලෙවි කරනු නොලැබේ යනුවෙන් සඳහන් වැකියක් එම වෙළෙඳ සැලට ගොඩවෙන අයගේ ඇස් මට්‍ටමට පෙනෙන ලෙස තබා තිබෙන්නේ ඇයිද කියා මොහොතක් විමසා බලන්න.මෙය දකින පාසැල් යන , ටියුෂන් යන දරුවන් , තරුණයන්ගේ මනසට යන්නේ දුම්වැටි හා දුම්කොළ භාවිතය වැඩිහිටියන්ගේ වැඩක්ය යන පණිවිඩයයි.එහෙම නැත්නම් වැඩිහිටි බවේ ලක්‍ෂණයක් වන්නේ දුම්වැටි හා දුම්කොළ භාවිතයයි යන  අරුත ඉන් ගම්‍ය වෙනවා.

   ටියුෂන් පංති වලද සිදුවන්නේ මෙයට සමානම දෙයක්. සමහර ටියුෂන් පංති ගුරුවරුන් උගන්වන ගමන්ම  දුම්වැටි භාවිතා කරනවා. ඇතැම් අය ඉඳලා හිටලා සිගරට් එකක් දෙකක් බිව්වට කමක් නැහැ වැනි අදහස් පංතියේදී ප්‍රසීද්ධියේම කියලා තියෙනවා. "ඉඳල හිටලා පොඩි ‍අඩියක් ගැහැව්වට කමක් නැහැ " "කොල්ලෝ උනහම ඕවා කරල තියෙන්න ඕනේ." මෙහෙම කියන මේ අය ගුරුවරුන් ද කියලත් ප්‍රශ්ණයක් තියෙනවා. කෙසේ වෙතත් මේ ගුරුවරු තමන් ගැන ප්‍රචාරය කරන්නේ ලංකාවේ ඉහළම සාමාර්ථයන් ලබා ගැනීම සඳහා තමන්ගේ පංති වලට සහභාගීවීමෙන් ලබා ගත හැකි බවයි. එම ගුරුවරයාගේ ප්‍රතිරූපයට 

( "ඉහළම සාමාර්ථ ලබා දෙන " ) අකාර්ශණය වි ටියුෂන් පංතියට යන දරුවා අනියමින් දුම්වැටි ප්‍රචාරය කිරීමේ උපක්‍රමයේ ගොදුරක් වෙලා.ටියුෂන් කරන මෙබඳු ගුරුවරුන්ද කරන්නේ දුම්වැටි වෙළඳාමට කඩේ යෑමකි.එම ගුරුවරයා ගුරුවරයෙක් නොව සිගරට් විකුණන වෙළෙන්දෙකි.

 

   

     ඉහත උදාහරණ දෙකෙන්ම පෙනෙන දේ තමා අප සැම වෙත එල්ල වි ඇති අවදානමයි.භාවිතා  කල හැකි සැම ඉඩකඩක්ම  දුම්වැටි ,මධ්‍යසාර හා අනෙකුත් මත්ද්‍රව්‍යයන් දිරිගන්නවන   සෘජු සහ වක්‍ර ප්‍රචාරණයන් සඳහා යොදා ගැනීමට අද එම ජාවාරම්කරුවන් පෙළෙඹී ඇති බවයි.

  අද ලිපිය ටිකක් දිග වැඩි වගේයි. ඒත් මේ ටික නොකියාම බැහැ. විශේෂයෙන්ම තාරුණ්‍යය අර්ථවත් කර ගැනීම හැමගේ වගකීමයි. ඉදිරි ලිපියකින්ද  මත්ද්‍රව්‍ය ජාවාරම්කරුවන් මත්ද්‍රව්‍ය භාවිතය දිරි ගන්වන අකාරය දිහා බලමු . ඔබගේ අදහස් අපගේ ධෛර්යයට හේතුවක් බැවින්  pivisuma@gmail.com  ලිපිනය ඒවා එවන්න.

මෙන්න ඇත්ත

     

    දුම්වැටිය වටා ගොඩ නංවා ඇති ආකර්ශණය තුළින් වසා ඇති දේ ඉතාමත්ම පැහැදිලියි.අප රටේ මේ දක්වා ක්‍රියාත්මක වූ මත්ද්‍රව්‍ය නිවාරණ වැඩසටහන් වල සාර්ථක ප්‍රතිපලයක් වශයෙන් අද වන විට තරුණ පරපුර දුම්වැටියෙන් ඈත් වී සිටීම සතුටට කරුණක්. ලංකාවේ දුම්වැටි භාවිතය නිසා වසරකට 20000 ආසන්න ජීවිත ගණනක් මරණයෙන් වන්දි ගෙවනවා.සෑම වසරකම ඒ සා විශාල ගණනක් මිය යද්දි කර්මාන්තයකට පැවැත්මක් තිබිය හැකිද කියා මොහොතක් සිතා බලන්න . ඉහත විඩියෝ දර්ශණයෙන් දුම්වැටියක් දැල්වී අවසන් වෙද්දි අපේ  ශරීරයේඇති වන  අශෝභන තත්ත්වය  මොනවට පැහැදිලි කරනවා   ද ?  ඉතා පැහැදිලිවම මිය යන 20000 වෙනුවට තවත් පාරිභෝගිකයන් එපමණ සංඛ්‍යාවක් බඳවා ගැනීමට දුම්වැටි කර්මාන්තය ලංකාවේ ක්‍රියාත්මක නොවී තිබිය හැකි ද ? දුම්ටැටි භාවිතයෙන් ඇත්තටම පුද්ගලයාට සිදුවෙන දේ දුම්වැටි කර්මාන්තයේ සියුම් උපක්‍රම මගින්  හංගන්නේ ඇයි ? ඊළඟ ලිපියෙන් දුම්වැටි ඇතුළු මත්ද්‍රව්‍ය  කර්මාන්තයේ සියුම් උපක්‍රම ගැන අපි සොයා බලමු. ඒ සඳහා ඔබගේ අදහස් pivisuma@gmail.com ලිපිනයට යොමු කරන්න.

මත්ද්‍රව්‍ය යනු බොරුව සමාජ ගත කිරීමකි

   පහත සටහන  දුටු පමණින්ම මත්ද්‍රව්‍ය සම්බන්ධයෙන්  ‍‍බොහෝ දෙනෙක් තුල තිබෙන මිත්‍යා මතයක් ගැන පැහැදිලි කර ගන්න පුළුවන් බොරු ගණනාවක් තිබෙනවා.ඒවා අපි  ඉදිරියේදී හඳුනාගනිමු. ‍

   බොහෝ දෙනෙකු සිතා සිටින්නේ අප සමාජයේ වැඩි පුර සිටින්නේ මත්ද්‍රව්‍ය භාවිතා කරන්නන් යැයි කියාය. මෙය මත්ද්‍රව්‍ය භාවිතා කරන  සුළුතරයක් අප වෙත පටවා ඇති එක් බොරුවක් '

  ඉහත සටහන අපිට අයිස් කන්දකට උපමා කර බලන්න පුළුවන්. අයිස් කන්දක මතු පිටට පෙනෙවාට වඩා වැඩි කොටසක් හැංගිලා තිබෙන්නේ මුහුද යට. මතු පිටට පෙනෙන්නේ ඉතා සුළු කොටසක් පමණයි. මතු පිටට පෙනෙන  සුළු කොටස දිහා බලා අයිස් කන්දේ ප්‍රමාණය මෙලෙස යැයි කියන්න පුළුවන් ද?

   අපිට මුද්‍රත හා විද්‍යුත් මාධ්‍ය මගින්ද විවිධ ප්‍රචාරයන් මගින්ද අරක්කු සිගරට් භාවිතා කරන අය ගැන විස්තර දිනපතාම දකින්නට අසන්නට ලැබෙනවා.ඔවුන් කළ කී දෑ මාධ්‍ය මගින් ප්‍රචාරණය කරන්නේ මහත් අභිරුචියකින්.මේවා දිනපතාම ඇහෙන විට දකින විට පොදු ජනතාව විශ්වාස කරන්නේ ඉන්න තරමක් ඉන්නේ අරක්කු සිගරට් භාවිතා කරන අය කියාය. මීට අමතරව අරක්කු සිගරට් ඉඳහිට භාවිතා කරන කොටසකුත් සමාජයේ සිටිනවා.  අයිස් කන්දේ යට සිටින අරක්කු සිගරට් භාවිතා නොකරන කොටස් දෙස බැලුවහම ඔවුන්ගේ ප්‍රමාණය ඉහතින් සිටින ‍කොටස් දෙකටම වඩා වැඩියි. කුඩා ළමුන් , පාසැල් දරුවන් , ගෘහණියන් වැටෙන්නේ මේ කොටසට .

  අප පරාජය කළ යුතු බොරු කිහිපයක්ම මෙතැන තිබෙනවා.

1.       සමාජයේ අප වඩා සි‍ටින්නන්ගෙන් බහුතරයක් අරක්කු සිගරට් භාවිතා කරන්නන් යැයි  යන මිත්‍යාව

2.       අරක්කු සිගරට් භාවිතා කරන සුළුතරයක් විසින් පොදු ජනතාව වෙත බලහත්කාරයෙන් මතවාද පැටවීම

  මීට අමතරව අරක්කු සිගරට් භාවිතා කරන සුළුතරයක් විසින් සමාජයේ පොදු ජනතාවගේ අයිතිවාසිකම් පැහැර ගෙන තිබීමත් අපගේ අවධානයට ගත යුතු කරුණක්   .  

මත්ද්‍රව්‍ය යනු බොරුව සමාජ ගත කිරීමකි.

   සුළුතරයක් විසින් සමාජ ගත  කොට තිබෙන මිත්‍යා මතයක් බහුතරයක් දෙනා  විසින් පිළිගැනීම කෙතරම් අවාසනාවන්ත දෙයක්ද ? අපරාධයක්ද ?